دله دامه‌نی،دله دامه‌نی                     هی دل گیروَردَ‌ی حلقه‌ی دامَنی

هَر کام مَوینی هَر ناکامَنی                 هر کار مَکَری هَر بدنامَنی

مِن هر دوا کَم تو هر زامَنی              تو تا کی نه فکر سَودای خامَنی

هرگز خیالت ساتی جَم نیَن                پای خُصه و خیال له لات کَم نیَن

چو دنیا دَسِت وه یَکدَم نیَن               صراحیت نه صَوت زیر و بَم نیَن

هر کار مَکَری هر بَد نامَنی                تو تا کی نه فکر سَودای خامَنی

فرهاد پَی شیرین،مجنون پَری لیل        ئی پای بیستون،ئو صحرای دُجَیل

سَنان و زاری پی زن و اُوَیل              ورقه پی گلشاد بگردی چون سَیل

لی عاشقانه تو چون کامَنی                 تو تا کی نه فکر سَودای خامَنی

گا پروانه‌ی دَور شمع جمالانی            گا همراز راز کمر لالانی

گاهی سکوتی گاهی نالانی                گا چون اَودالان ویل مالانی

نه بی قراری نه آرامَنی                    تو تا کی نه فکر سَودای خامَنی

شیرین مَوینی حسرت باریتَن             تلخی مَوینی شین و زاریتَن

زشتی،زیبایی،بی قراریتَن                 پس تو چه درمان درد کارتَن

من هر دوا کَم تو هر زامَنی              تو تا کی نه فکر سَودای خامَنی

ای دل پی جیفه حسرت مَوازی         جیفه پیدا کَی پی چیش مَبازی

چون هر ساعتی وه یَی مجازی         دنیا پیت بیَن نَمَوی راضی